လိပ်ပါးနီ (သို့) အမေရိကန်လိပ် နှင့် ပြည်ပမှတင်သွင်းလာသော မျိုးစိတ်တစ်ခု၏ လွှမ်းမိုးမှုအန္တရာယ်

ပြည်ပမှ တင်သွင်းလာသော မျိုးစိတ်တစ်ခု ဆိုသည်မှာ မိမိနိုင်ငံသို့ ရည်ရွယ်ချက်တစ်ခုဖြင့် တင်သွင်းလာခြင်း (သို့) မတော်တဆ ဝင်ရာက်လာသော မျိုးစိတ်တစ်ခုဖြစ်ပါသည်။ ၄င်းမျိုးစိတ်သည် မိမိနေရင်းဒေသ ပြင်ပ၌ပင် ကောင်းစွာမျိုးပွား ရှင်သန်နိုင်သော အစွမ်းသတ္တိ ရှိပါသည်။ ကမ္ဘာ့နိုင်ငံအများစုတွင် ထိုကဲ့သို့သော မိမိနိုင်ငံ၏ ကိုယ်ပိုင်မျိုးစိတ်မဟုတ်ပဲ အခြားဒေသမှ ဝင်ရောက်လာသော မျိုးစိတ်များစွာ ရှိကြပါသည်။ များသောအားဖြင့် ကျွန်းနိုင်ငံဒေသများ၌ ထိုကဲ့သို့သော ပြဿနာများ ပိုမိုကြုံတွေ့ရလေ့ရှိပါသည်။ အခြားဒေသတစ်ခုမှ တင်သွင်းလာသော မျိုးစိတ်အားလုံးသည် အန္တရာယ်ရှိပြီး မိမိဒေသ၏ ကိုယ်ပိုင်မျိုးစိတ်များအား လွှမ်းမိုးနိုင်မည်ဟု မဆိုလိုသော်လည်း အများစုမှာ ထိုသို့သော အန္တရာယ်ဖြစ်စေတတ်ပါသည်။ ဥပမာအားဖြင့် မြစ်ချောင်း အင်းအိုင်များတွင် ပေါများစွာ တွေ့ရှိရသော တလားဗီးယား ငါးအမျိုးအစားသည် ဂျပန်နိုင်ငံမှ တင်သွင်းလာသော မျိုးစိတ်ဖြစ်ပြီး လူတို့အတွက် စားနပ်ရိက္ခာဖြည့်တင်းပေးသည် မှန်သော်လည်း ဒေသငါးမျိုးများအား အန္တရာယ်ပေးတတ်သော ငါးတစ်မျိုး ဖြစ်ပါသည်။
` အမေရိကန်လိပ် ခေါ် လိပ်ပါးနီ( Red-eared slider – Trachemys scripta elegans )သည် အမေရိကန်နိုင်ငံ အလယ်ပိုင်း၏ ဒေသရင်းဖွားမျိုးစိတ် တစ်ခု ဖြစ်ပြီး ယခုအခါတွင် ကမ္ဘာ့နိုင်ငံ အများစု၌ တွေ့ရှိလာရပြီး ဒေသမျိုးစိတ်များအား လွှမ်းမိုးအန္တရာယ်ပေးလာသော မျိုးစိတ်တစ်ခု ဖြစ်လာပါသည်။ ကုန်းမြေ၊ မြစ်၊ချောင်း၊အင်း၊အိုင် များနှင့် ရေချိုကန်များတွင် ကျက်စားတတ်ပါသည်။ အရွယ်ရောက် လိပ်ပါးနီ တစ်ကောင်သည် ၆လက်မ မှ ၁၂ လက်မအထိသာ ကြီးထွားနိုင်ပါသည်။ ခြေ၊ လက် နှင့် ဦးခေါင်းတို့တွင် အဝါရောင် အစင်းကြောင်းလေးများ ပါရှိပြီး မျက်လုံးနောက်ရှိ အနီရောင်အစင်းကြောင်းကို ကြည့်ခြင်းဖြင့် လိပ်ပါးနီဖြစ်သည်ဟု အလွယ်တကူ မျိုးခွဲခြားနိုင်ပါသည်။

 

သက်တမ်းအားဖြင့် အနှစ်(၄၀) ကျော်လောက်အထိ ရှင်သန်နိုင်ပြီး အသက် (၃) နှစ်၊ (၄)နှစ်ရောက်လျှင် စတင်မျိုးပွားနိုင်ပြီး တစ်နှစ်လျှင် (၆)ကြိမ်၊ တစ်ကြိမ်လျှင် (၆)လုံးမှ (၁၁)လုံးအထိ ပေါက်ပွားနိုင်ပါသည်။ မျိုးပွားရန် အရွယ်ရောက်ချိန် တိုတောင်းခြင်း နှုင့် ကြီးထွားနှုန်း ကောင်းမွန်ခြင်း တို့ကြောင့် အလွယ်တကု ပေါများစွာ ရှင်သန်နိုင်ပါသည်။
၁၉၅၀ ပြည့်နှစ်နောက်ပိုင်းမှစ၍ လိပ်ပါးနီများအား အလှမွေးမြူရန်အတွက် သဘာဝထဲမှ ဖမ်းဆီးကာ တင်ပို့ရောင်းချခြင်းများ စတင်လုပ်ဆောင်လာကြပါသည်။ လှပသော အရောင်အဆင်း၊ မွေးမြူရန် လွယ်ကူမှု နှင့် ဈေးနှုန်းချိုသာမှုများကြောင့် တဖြည်းဖြည်း အလှမွေးသူများအကြားတွင် ရေပန်းစားလာသော မျိုးစိတ်ဖြစ်ကာ ကမ္ဘာ့နိုင်ငံအရပ်ရပ်သို့ ပြန့်နှံ့လာခဲ့ပါသည်။ မြို့ပြရှိ ငါးနှင့်လိပ် အလှမွေးသူများ၊ ရောင်းချသူများမှ တဆင့် အနီးပတ်ဝန်းကျင်ရှိ ကန်များအတွင်းသို့ မတော်တဆ ရောက်ရှိသွားရာမှ လိပ်ပါးနီများအား ရံဖန်ရံခါ မိမိတို့နိုင်ငံ၌လည်း တွေ့ရှိလာနေရပြီဖြစ်ပါသည်။ လိပ်ပါးနီသည် သဘာဝပတ်ဝန်းကျင်ထိန်းသိမ်းရေး နိုင်ငံတကာအဖွဲ့ကြီး (IUCN) ၏ ၂၀၁၃ ခုနှစ် စစ်တမ်းများ အရ မိမိနေရင်းဒေသ မဟုတ်သော ဒေသများတွင် အဆိုးဝါးဆုံး လွှမ်းမိုးမှု အန္တရာယ်ရှိသော မျိုးစိတ် (၁၀၀) စာရင်း (100 of the World’s Worst Invasive Alien Species) တွင် ပါဝင်ပါသည်။
မြန်မာနိုင်ငံတွင် ရေချိုလိပ်နှင့် ကုန်းလိပ်မျိုးစိတ်ပေါင်း (၂၆) တွေ့ရှိရပြီး ဒေသရင်းဖွား မျိုးစိတ် (၁၁) မျိုးထိ ပါဝင်ပါသည်။
မြန်မာ့ဒေသရင်းဖွားမျိုးစိတ် အများစုမှာ မျိုးသုဉ်းရန် အန္တရာယ်နှင့် ရင်ဆိုင်နေရပြီး မြန်မာ့လိပ်ခုံး ခေါ် တိုက်လိပ်မှာ ကမ္ဘာ့ဒုတိယ အရှားပါးဆုံး လိပ်မျိုးစိတ်တစ်မျိုး ဖြစ်ပါသည်။

လိပ်ပါးနီသည် အခွင့်အရေးရပါက အသားစားတတ်သော လိပ်မျိုးဖြစ်ပြီး ခရု၊ဂဏန်း၊ငါး၊ပုစွန်၊ အင်းဆက် ပိုးမွှားများနှင့် အသီးအရွက်များအား စားသုံးတတ်သော လိပ်မျိုးဖြစ်သောကြောင့် အစာရေစာ ရှားပါးသော အခြေအနေတွင် လိပ်အချင်းချင်းပင် ကိုက်ဖြတ်စားသောက်တတ်သော သဘာဝရှိသည်။ မိမိနိုင်ငံ၏ သဘာဝထဲတွင် ပေါများလာပါက ဒေသရင်းလိပ်မျိုးများအတွက် အစားအစာများ ပြိုင်ဆိုင်ရုံမျှမက အလွန်ကြီးမားသော အန္တရာယ်ရှိသည့် လိပ်မျိုးဖြစ်ပါသည်။ ရေလိပ်အများစုသည် မိမိတို့၏ ခန္တာကိုယ်၏ ဇီဝကမ္မလုပ်ငန်းများ လုပ်ဆောင်ရန် နေရောင်ခြည်လိုအပ်သောကြောင့် နေပူစာလှုံသော အလေ့အထ (Basking) ရှိကြပါသည်။ ဒေသမျိုးလိပ်များထက်ပို၍ ရန်လိုတတ်သော အလေ့အကျင့်ရှိသည့် လိပ်ပါးနီသည် နေပူစာလှုံရန် နေရာ နှင့် အစားအစာ အား ပြိုင်ဆိုင်အနိုင်ယူနိုင်မည်မှာ မလွှဲဧကန်ပင် ဖြစ်ပါသည်။

ထို့အပြင် လိပ်ပါးနီသည် အခြားနိုင်ငံမှ ရောက်ရှိလာသော မျိုးစိတ်ဖြစ်သည့်အတွက် သဘာဝ ဂေဟစနစ်ထဲသို့ ရောက်ရှိသွားပါက ကပ်ပါးပိုးများ (parasites ) သယ်ဆောင်ကာ မူလရှိနှင့်ပြီးသော အပင်နှင့် သတ္တဝါမျိုးစိတ်များအား ဒုက္ခပေးနိုင်ပါသေးသည်။ လေ့လာတွေ့ရှိများအရ nematodes ပိုးများအား သယ်ဆောင်နိုင်သော သတ္တဝါတစ်ကောင်လည်း ဖြစ်ပါသည်။ လူတို့တွင် အစာအဆိပ်သင့်မှုကဲ့သို့ ရောဂါမျိုးအား ဖြစ်စေတတ်သည့် Salmonella bacteria အား လိပ်အပါအဝင် အချို့သော တွားသွားသတ္တဝါများတွင် တွေ့ရလေ့ရှိသောကြောင့် လိပ်ပါးနီတွင်လည်း တွေ့ရှိရနိုင်ပါသည်။

သဘာဝဂေဟစနစ်ထဲသို့ လိပ်ပါးနီများ ကျယ်ပြန့်စွာ ရောက်ရှိသွားပါက မူလရှိနှင့်ပြီး လိပ်မျိုးစိတ်များပင်မက အပင်နှင့် အခြားသတ္တဝါများ အပေါ်၌လည်း ထိုကဲ့သို့ ဆိုးကျိုးများ ကျရောက်နိုင်မည် ဖြစ်ပါသည်။ ထိုအန္တရာယ်များမှကာကွယ်ရန်မှာ ဥပဒေများထုတ်၍ လိပ်ပါးနီ တင်သွင်းရောင်းချမှုများအား တားဆီးပိတ်ပင်ရန်နှင့် သဘာဝတွင်းရောက်ရှိပြီး လိပ်ပါးနီများအား ဖမ်းဆီး နှိမ်နှင်းရန်ပင် ဖြစ်ပါသည်။ “ကြိုတင်ကာကွယ်ခြင်းသည် ကုသခြင်းထက် ထိရောက်၏” ဟူသော ဆိုရိုးစကားကဲ့သို့ပင် လိပ်ပါးနီများ မိမိနိုင်ငံ၏ သဘာဝတွင် ပေါများစွာ မတွေ့ရှိစေရန် ကြိုးစား ထိန်းသိမ်းကြရပါမည်။ အလှမွေးမြူသူများ နှင့် ရောင်းချသော သူများသည်လည်း ထိုလိပ်များအား သဘာဝရေကန်များအတွင်း လွတ်ထွက်သွားခြင်း၊ လွှတ်ပေးခြင်းမျိုး မရှိစေရန် သေချာဂရုစိုက်ရပါမည်။ အကယ်၍ သဘာဝရေကန်တစ်ခုခု (သို့) တစ်နေရာရာမှ ထိုလိပ်အား တွေ့ရှိပါက တွေ့ရာနေရာတွင် ဘေးမဲ့စေလွှတ်ခြင်းမျိုး လုံးဝ(လုံးဝ) မလုပ်သင့်ပါ။

နိဂုံးချုပ်အားဖြင့် မြန်မာ့ဒေသရင်းဖွား လိပ်မျိုးစိတ်များသည် စိုက်ပျိုးမြေချဲ့ထွင်ခြင်းကြောင့် နေရင်းဒေသများ ပျောက်ဆုံးခြင်း၊ ဒေသခံများမှ သတ်ဖြတ်စားသုံးခြင်း၊ ဆေးဝါးဖော်စပ်ရန်နှင့် အိမ်တွင် အလှမွေးရန် ပြည်ပနိုင်ငံများသို့ တင်ပို့ခြင်း အစရှိသည့် အချက်များကြောင့် မျိုးသုဉ်းရန် အန္တရာယ်နှင့် ရင်ဆိုင်လာနေရပါသည်။ မိမိ၏ မဆင်မခြင် လိပ်ပါးနီတစ်ကောင်အား သဘာဝ ထဲသ်ို့ စေလွှတ်လိုက်သော လုပ်ဆောင်ချက်တစ်ခုကြောင့် မြန်မာ့မျိုးစိတ်များအား ထပ်မံမထိခိုက် စေသင့်တော့ပါ။ အမေရိကန်လိပ် (သို့) လိပ်ပါးနီ အား မြန်မာ့သဘာဝဒေသ များထဲသို့ လုံးဝ (လုံးဝ) မစေလွှတ်ခြင်းဖြင့် မြန်မာ့လိပ်မျိုးစိတ်များအား ကာကွယ်ထိန်းသိမ်းကြပါစို့။

Photos – Internet
“Happy World Turtle Day 2018”
“Please stand with us for turtles and tortoises”
စွမ်းထက် (WCS)

By | 2018-05-23T11:42:56+00:00 May 23rd, 2018|TSA, WCS Myanmar, Wildlife Trade|0 Comments

About the Author:

Leave a Reply